抑壓哀傷會致病.....?

當我哋面對生離死別，甚至一段感情終結時，都會覺得哀傷，呢種係自然流露嘅情感。

無錯，哀傷時我哋會喊、會激動，但咁唔代表你無用。反而有啲人會刻意表現得冷靜，其實咁樣係採用咗一種心理防禦機制，將自己同現實隔離，呢種情況長遠嚟講，後遺症可能更大。'

例如身體上嘅慢性毛病、長期失眠、發噩夢、情緒問題等，因為哀傷無得到充分嘅釋放，情緒被壓抑無表達出嚟。所以，哀傷的確會令人軟弱（暫時），但雨過天青後，人反而會變得更堅強。

如果身邊有朋友正在經歷傷痛，除咗俾適當嘅鼓勵、關顧佢哋感受之外，千祈唔好勉強扮若無其事，甚至講啲咩做啲咩都過分小心，因為咁樣可能會令佢哋更加面對唔到自己嘅軟弱啊！

http://hk.lifestyle.yahoo.com/%E6%8A%91%E5%A3%93%E5%93%80%E5%82%B7%E6%9C%83%E8%87%B4%E7%97%85-005000968.html

---